أنا دلوقتي بأستعمل مية زرقة في الرادياتر واشتريت جركن مية خضرة عشان لو حبيت أزود المية ولا حاجة
السؤال بقى : هتفرق لو حطيت الإتنين على بعض ولا عادي
عرض للطباعة
أنا دلوقتي بأستعمل مية زرقة في الرادياتر واشتريت جركن مية خضرة عشان لو حبيت أزود المية ولا حاجة
السؤال بقى : هتفرق لو حطيت الإتنين على بعض ولا عادي
انت تقصد انك عندك مايه حضراء وعايز تحط نوع تانى يعنى ...... على ما اعتقد مش صح علشان تركيز النوعين اكيد مختلف
وبرضوا انتظر راى الخبراء يعرفوا اكثر منى
موضوع التركيز مش هايكون مشكله لان في الاخر هتاخد متوسط التركيز حسب النسب اللي حتطها من كل نوع بس مش هي ديه المشكله خالص المشكله لو في اختلاف في الخصائص بتاعت الاتنين وممكن يكون في تائثير علي بعض و لو واني ما اعتقدش بالموضوع ده بس مش هافتي ده طبعا علي اساس ان ديه مياه مظبوطه ومواصافتها ونسابها سليمه وده امر مستبعد جدا لان انا عندي احساس كبير ان كل المياه اللي في السوق لون علي مياه حنفيه ولا في حاجه اسمها مياه جايه من اسبانيا ولا امريكه يعني استوردنا كل حاجه من الصين والمياه رحنا جبناها من اسبانيا وامريكه
عمتا استني حد يقولك كلام علمي اذا كان في اختلاف في الخصائص
أولا شكرا على الافادة
أنا برده مع موضوع إن التركيز هيبقى المتوسط مابين الا وبصراحة مع ماوضوء إنها ميت حنفية قوي قوي قوي
أنا زمان كنت شفت مية خضرة بس ماكانتش خفيفة قوي زي الزرقة اللي أنا حاططها نو عشان كده لما جيت أشتري تاني اشتريت الخضرة بتاعت كارفور بس شكلها خفيفة برده مش عارف أنا أصلا لسة مفتحتش الجركن أصلا
ياريت لو حد يعرف حاجه عن موضوع التركيب بتاع المية ده يفيدنا
تركيب المياه بيبقي ايثلين جيلكول تقريبا هحاول اتاكد منها + ماده تمنع تكون الصدأ+لون علشان تفرق بينها وبين مياه الحنفيه
الكلام ده كلام كيميائي مش كلامي انا
أحمد باشا منور
الكلام ده كويس قوي يعني المفروض لو حطيت ال 2 على بعض عادي يعني.
عادي مافيش مشاكل
شكرا يارجالة على المساعدات دي أشوفكم بقى فيال موضوع اللي جاي :)
انا كنت فعلا عاوز اسأل على الموضوع ده .. فى المعرض قالى ماتعملش حاجة لغاية صيانة الالف علشان كل حاجة متظبطة .. و فى واحد صحبى ناصحنى اجيب المياه الخضراء اللى فى بنزينة موبيل علشان فى حاجات كتير فى السوق مضروبة
1- برده ما عرفناش الفرق بين المياه الخضراء و المياه الزرقاء.
2- هو جركن المياه الخضراء بتاع موبيل ال 4 لتر بقى ب 55 جنيه ؟ و لا الراجل ضحك عليا امبارح؟.
ياباشا إنت مالكش دعوة بـالكلام ده أنا المية عندي عمري مازودتها إلا الصيف اللي فات عشان الحر الغريب اللي كان موجود ومتشغلش بالك بتعيرات وال كلام ده دلوقتي إنت بس بص كل فترة كده واتاكد إن كل تمام وأي حاجة التوكيل هيعملهالك من ضمن service
بس الله يكرمك اتاكد إنهم بيبـصو على زيت الفتيس وبيزوده عشان الموضوع ده لابسني تقم دبرياج :(
وربنا يباركلك فيها
كل اللي في السوق مضروب بغض النظر عن المركه او الصناعه اوعي تصدق ان فيه حاجه اسمها مياه اسباني ومياه اميركاني بنستورد العربيه من الصين ونستوردلها مياه من اسبانيا اللي خلي قطع الغيار الاساسيه بقت مضروبه مكتوب عليها الماني وهي صيني عمتا انا عملت اختبرات كتير علي انواع مختلفه من المايه لقيت ان كل اللي اختبرته مياه حنفيه عاديه وفيها نسب املاح زي مياه الحنفيه وتقريبا كل ما بتنضف المايه شويه بيكون فيها نسبه تقطير لاكن لغايه دلوقتي مشوفتش مياه مقطره بالكامل وبيضيفوا عليها الايثيل جليكول بنسب مختلفه حسب جودتها عمتا كل ما هاتاخد من مكان نضيف ومضمون وماركه غاليه ومضمونه هايكون احسن شويه من المجهول المصدر خالص